Digitalisaziun.ch è tia plattafurma per ta participar activamain al svilup digital da la lingua rumantscha.

Ti pos far diever da la pagina cun u senza login.

Sche ti vul t'infurmar, t'annunziar per in project ch'insatgi ha publitgà, telechargiar in product ubain far diever da las datas en il labor, alura pos ti far quai senza login.

Sche ti has però interess da contribuir tez a la communitad rumantscha cun ina novitad, cun in project, cun in product ubain cun datas per il labor, alura pos ti suandar il manual sutvart per crear tes login. Sco che ti has creà il login pos ti far contribuziuns. Quellas vegnan tramessas a l'adressa info@rumantsch.ch, ed alura dadas libras dad ina persuna responsabla per quest intent.

1. Per crear tes login, clicca sin login.

2. Elegia "Neues Benutzerkonto erstellen".

3. Uss pos ti crear tes conto. Ils champs marcads cun * èn obligatoris.

4. Cura che ti has semtgà tes conto, clicca sin “Neues Benutzerkonto erstellen”.

5. Uschia retschaivas ti ina novitad sin tia adressa dad e-mail.

6. Clicca sin il link che ti has retschavì – il link e collià al pled log in. Sutvart vesas ti tes num d’utilisader (username).

7. Uss pos ti t’annunziar. (Il pled-clav è gia generà per tai.)

8. Clicca sin “anmelden” per midar il pled-clav.

9. Uss pos ti crear tes pled-clav e confermar quel sutvart.

10. Clicca sin “speichern” per arcunar tes nov pled-clav.

11. Tes conto è quasi pront per cumenzar. Cun “Bearbeiten” pos ti bainprest crear tia emprima contribuziun.

12. Il proxim pass che ti fas – independentamain tgenin – maina automaticamain a la dumonda dad acceptar la decleraziun da protecziun da datas. Cun in clic sin “Datenschutzerklärung» pos ti leger la decleraziun.

13. Ti pos acceptar la decleraziun da protecziun da datas cun far in crutsch ed in clic sin “akzeptieren”.

14. Finalmain! Uss pos ti cumenzar. Elegia “Beitrag erstellen” per crear tia emprima contribuziun.

15. Ils champs cun * èn obligatoris.

16. Sut “Sammelbegriff” pos ti eleger, schebain ti contribueschas cun ina novitad, cun in project, cun in product ni cun datas per il labor.

17. Alura pos ti eleger, da tge format/instrument che tia contribuziun sa tracta.

18. Profitescha da las pussaivladads che ti has. Ti pos agiuntar tia contribuziun, ina contribuziun davart tia persuna, ina dumonda per sustegn dal project (en spezial er tge sustegn che ti tschertgas), links, l’inizianta u l’iniziant dal project, e la pussaivladad da contactar tai. Cun “Vorschau” pos ti adina puspè guardar, co tia contribuziun vegn a sa preschentar.

Cun “speichern” vegn tia contribuziun arcunada.

19. Sut “Veröffentlichte Beiträge” retschaivas ti alura ina survista da tias contribuziuns. Online e visibel per tuttas e per tuts è tia contribuziun però anc betg. Quella sto l’emprim vegnir dada libra dad ina persuna responsabla per quest intent, en spezial per evitar maldiever.

Cun “Beitrag erstellen” pos ti preparar e trametter ina nova contribuziun.

Grazia fitg per tia contribuziun a favur dal rumantsch!